काठमाडौँ । कोरोना भाइरसको ओमीक्रोन भेरियन्ट तीव्र फैलिन सक्ने भन्दै फैलिन नदिन स्वास्थ्य सेवा विभागले स्थानीय र प्रदेश सरकारलाई सात बुँदे निर्देशन दिएको छ ।

आइतबार पत्र लेख्दै इपिडियोलोजी तथा रोग नियन्त्रण महाशाखाले सबै स्थानीय तह, जिल्ला स्वास्थ्य कार्यालय र सातै प्रदेशका स्वास्थ्य निर्देशनालयलाई सतर्कता अपनाउन निर्देशन दिएको हो ।

कोभिड महामारीको जोखिम नयाँ भेरियन्टका कारण उत्तिकै रहेकाले थप सतर्कता अपनाउन र आवश्यक पूर्व तयारी गर्न महाशाखाले भनेको छ ।

महाशाखाले जनस्वास्थ्यको मापदण्डहरूको पालना गर्नरगराउन, परीक्षणको दायरा बढाउन, क्वारेन्टिनमा रहेकाको उचित व्यवस्थापन गर्न निर्देशन दिएको छ । पछिल्लो समय ओमीक्रोन भेरियन्ट फैलिन थालेपछि महाशाखाले थप सतर्कता अपनाउन निर्देशन दिएको हो ।