काठमाडौं । बाग्लुङको ढोरपाटन नगरपालिकाका मेयर देवकुमार नेपाली अध्यागमन विभागको निगरानी सूचीमा परेका छन्। आइतबार मेयर नेपालीसहित चारजनालाई विदेश जानसक्ने भन्दै अध्यागमनले निगरानी सूचीमा राखेको हो ।

आफूले चलाएको सहकारीबाट निक्षेपकर्तालाई रकम फिर्ता दिन नसकेपछि नेपाली फरार भएका छन् । यहीक्रममा उनी विदेश भाग्न सक्ने सुइँको पाएपछि अध्यागमन विभागले निगरानी सूचीमा राखेको हो । उनी एकाएक सम्पर्कविहीन भएपछि बाग्लुङ प्रहरीले उनको खोजी गरिरहेको छ।

इमेज बचत तथा ऋण सहकारी संस्थाका अध्यक्षसमेत रहेका नेपाली शुक्रबारदेखि सम्पर्कविहीन भएका हुन्।

एमालेका नेपाली २०७४ र २०७९ को निर्वाचनमा लगातार मेयरमा विजयी भएका हुन् ।