रुपन्देही । लुम्बिनी प्रदेशका मुख्यमन्त्री डिल्लीबहादुर चौधरीले तीन मन्त्री र मुख्यन्यायाधिवक्ता नियुक्त गरेका छन् । सोमबार मुख्यमन्त्री चौधरीले कांग्रेसका राजु खनाललाई स्वास्थ्य, जनमत पार्टीका चन्द्रकेश गुप्तालाई सामाजिक विकास र जसपाका भण्डारीलाल अहिरलाई कृषि तथा भूमि व्यवस्थामन्त्री नियुक्त गरेका हुन् ।

मुख्यमन्त्री चौधरीले सोमबार नै वरिष्ठ अधिवक्ता डा।बुद्धबहादुर थापा क्षेत्रीलाई मुख्यन्यायाधिवक्ता नियुक्त गरेका छन् । उनीहरूको आजै पद तथा गोपनीयताको शपथको तयारी भइरहेको छ ।

नवनियुक्त मन्त्री तथा मुख्यन्यायाधिवक्ताको शपथग्रहण सोमबार दिउसाे ४ बजे बुटवलस्थित प्रदेश प्रमुख कार्यालयमा हुने बताइएकाे छ ।