काठमाडौं । साताको दोस्रो दिन सोमबार शेयरबजारमा सामान्य वृद्धि भएको छ । आज नेप्से परिसूचक ८.१० अंकले बढेर १८९१ को विन्दुमा कायम हुन पुगेको हाे ।

सोमबार नेप्सेमा सूचीकृत २७२ कम्पनीको ३४ लाख ९२ हजार ८३४ कित्ता शेयर किनबेच हुँदा एक अर्ब २७ करोड ६७ लाख रुपैयाँमाथिको कारोबार भएको छ ।

नेप्सेमा रहेका १३ उपसूचकमध्ये आज बैकिङ्ग र व्यापार उपसूचक बाहेकका सबै उपसूचकमा हरियाली छाएको छ । सर्वाधिक आज उत्पादन तथा प्रशोधन उपसूचक २.४४ प्रतिशतले बढेको छ ।

सोमबार सबैभन्दा धेरै शिवम् सिमेन्टको ७ करोड ३४ लाख रुपैयाँको शेयर कारोबार भएको छ । त्यस्तै सोल्टी होटलको ६ करोड १७ लाख, ओरिएण्टल होटल्सको ५ करोड ३९ लाख रुपैयाँको शेयर कारोबार भएको छ ।