काठमाडौँ, ।   पछिल्लो २४ घण्टामा कोरोना भाइरसको सङ्क्रमण ४३५ जनामा देखिएको छ ।  

स्वास्थ्य तथा जनसङ्ख्या मन्त्रालयले आज आयोजना गरेको पत्रकार सम्मेलनमा मन्त्रालयका प्रवक्ता डा. संगीताकौशल मिश्राले  १० हजार २६७ जनाको परीक्षण गर्दा ४३५ जनामा सङ्क्रमण देखिएको जानकारी दिइन् । 

उनका अनुसार अहिलेसम्म पाँच हजार २२५ जना सक्रिय सङ्क्रमित रहेका छन् ।

पछिल्लो समय थप २३९ जना कोरोनाबाट निको भएर घर फर्किएका उनले बताइन् । योसँगै निको हुनेको सङ्ख्या आठ लाख १३ हजार १७६ पुगेको छ । निको हुने दर ९८ प्रतिशत रहेको मन्त्रालयले जनाएको छ ।

यस्तै प्रवक्ता डा. मिश्राले पछिल्लो २४ घण्टामा  सङ्क्रमणबाट कसैको पनि निधन भएको जानकारी दिइन ।  

अहिलेसम्म ११ हजार ६०१ जनाको सङ्क्रमणका कारणले निधन भएकोे छ । 

उनका अनुसार ५०० भन्दा बढी सङ्क्रमण भएको जिल्ला काठमाडौँ, ललितपुर र भक्तपुर रहेका छन् । यस्तै २०० भन्दा बढी सङ्क्रमित भएका जिल्लामा सुनसरी, कास्की, बाँके र कैलाली रहेका छन् ।

यस्तै शून्य सङ्क्रमित भएका जिल्लामा रसुवा, मनाङ, मुस्ताङ, हुम्ला र मुगु रहेका छन् ।
नेपालमा सङ्क्रमण दर १७ प्रतिशत रहेको छ ।

हाल होम आइसोलेसनमा चार  हजार ८५२ ,संस्थागत आइसोलेसनमा ३७३ आइसियुमा ८४ र भेन्टिलेटरमा १४ जनाको उपचार हुँदैछ । 

दुई लाख बढीले खोप लगाए

मन्त्रालयका प्रवक्ता डा. मिश्राले आज  दुई लाख ४६ हजार ३८५  जनाले खोप लगाएको बताइन् । अहिलेसम्म पहिलो मात्रा एक करोड ४७ लाख १७ हजार २२६ जना र पूर्ण मात्रा एक करोड आठ लाख चार हजार ४१३ जनाले लगाइसकेका छन् ।