काठमाडौँ, । सरकारले नेपाल नागरिक उड्डयन प्राधिकरणको पुनर्संरचना गर्ने भएको छ । 

आज संसदको दुवै सदनमा आगामी आर्थिक बर्षको बजेट प्रस्तुत गर्दै अर्थमन्त्री डा.प्रकाशशरण महतले प्राधिकरणलाई पुनर्संरचना गरि नियामक र सेवा प्रदायक निकाय अलगअलग गरिने उल्लेख गरेका छन् । 

उडान सुरक्षालाई उचच प्राथमिकतामा राखी गुणस्तरिय पूर्वाधार विकास तथा सेवा प्रवाहमा सुधार गर्नुका सार्थ नियामकीय भूमिका सवल बनाइने बजेटमा उल्लेख गरिएको छ । 

गौतम बुद्ध र पोखरा विमानस्थलबाट नियमित रुपमा अन्तराष्ट्रिय हवाई सेवा संचालन हुने व्यवस्था मिलाइने छ । यी विमानस्थलमा उडान भर्ने अन्तराष्ट्रिय वायुसेवा कम्पनीलाई ग्राउण्ड ह्याण्डलिङ शुल्कमा सहुलियत दिइने बजेटमा उल्लेख गरिएको छ । 

यस्तै त्रिभुवन अन्तर्राष्ट्रिय विमानस्थलको भौतिक संरचना र यात्रु सेवामा सुधार गरिने छ । 

बौद्धमार्गीलाई लुम्बिनीसंग प्रत्यक्ष रुपमा जोड्न थाइल्याण्ड, श्रीलंका, चीन, भारत लगायतका राष्ट्रसंग गौतमबुद्ध अन्तर्राष्ट्रिय विमानस्थलबाट सोझै उडान गर्ने व्यवस्था मिलाइने बजेटमा उल्लेख गरिएको छ ।