काठमाडौं । कोरोना भाइरसको संक्रमण बढ्दै गएपछि सरकारले सवै क्षेत्रमा खोप लगाएको कार्ड देखाएर मात्र सेवा लिन अनिवार्य गरेको छ ।

कोभिड १९ संकट व्यवस्थापन केन्द्र (सीसीएमसी)को आज बसेको बैठकले  आन्तरिक उडान र सेवा लिनका लागि खोप कार्ड अनिवार्य गरेको हो । सीसीएमसीले कार्यालय, होटल, रेष्टुरेण्ट, सिनेमा हल, रंगशाला, पार्क आदिमा प्रवेश गर्दा पनि अनिवार्य कार्ड हुनुपर्ने व्यवस्था गरिएको छ ।

त्यसैगरी नेपाल प्रवेश विन्दुमा एन्टीजेन परीक्षण थप प्रभावकारी बनाउने र परीक्षणबाट पोजेटिभ आएकाहरुलाई तत्काल आइसोलेसनमा राख्न डीसीसीएमसीले समन्वयन गर्नुपर्ने र आवश्यक स्रोत सुनिश्चितताका लागि स्वास्थ्य मन्त्रालयले व्यवस्था मिलाउनुपर्ने पनि सीसीएमसीले जनाएको छ ।