काठमाडौँ । काठमाडौँ महानगरका मेयर बालेन शाहविरुद्धको मुद्दा हेर्न नभ्याइनेमा परेको छ । आइतबार न्यायाधीश प्रकाशकुमार ढुङ्गानाको इजलासमा उनीविरुद्धको रिट परेको हो ।

अदालतको आदेश मान्दिन भन्ने अभिव्यक्तिबाट अदालतको अवहेलना भएको भन्दै अधिवक्ता वर्षाकुमारी झाले मेयर शाहविरुद्ध सर्वोच्च अदालतमा शुक्रबार रिट दायर गरेकी थिइन् ।

उक्त रिटमाथि सुनुवाइका लागि आज पेसी तोकिएको थियो । तर, आज उक्त रिट हेर्न नभ्याइनेमा परेको हो ।

बालेनले सामाजिक सञ्जालमा ‘जहाँ सवाल देशको सार्वभौमिकता र स्वाधीनताको आउँछ म कुनै कानून र अदालतलाई मान्ने वाला छैन’ भन्दै अदालतविरुद्ध अभिव्यक्ति दिएका थिए ।