काठमाडौँ । आशिष चौधरीले डेब्यु गोल गरेसँगै नेपालले साफ च्याम्पियनसिप २०२३ मा पाकिस्तानलाई पराजित गरेको छ । नेपाल १–० गालले विजयी भएको हो ।

सुरुवाती दुई खेल हार्दै समूह चरणबाट बाहिरिएको नेपालले पाकिस्तानविरुद्ध जित निकालेको हो ।

बैंगलुरुस्थित श्री कान्तिराव स्टेडियममा भएको खेलमा नेपाललाई सान्त्वना जित दिलाउन आशिषले ८० औं मिनेटमा गोल गरे ।

नेपाल पहिलो खेलमा कुवेतसँग ३–१ र दोस्रो खेलमा घरेलु टोली भारतसँग २–० ले पराजित भएको थियो । पाकिस्तान भने समूह चरणका तीनवटै खेल हार्दै घर फर्कने भएको छ ।