काठमाडौँ, । पछिल्लो २४ घण्टामा कोरोना भाइरसको सङ्क्रमण तीन हजार ५५३  जनामा देखिएको छ । 

 
स्वास्थ्य तथा जनसङ्ख्या मन्त्रालयले आज सार्वजनिक गरेको वुलेटिनमा १५ हजार  ८१ परीक्षण गर्दा तीन हजार ५५३२ सङ्क्रमण पुष्टि भएको हो । परीक्षण गराएकामध्ये २३.६ प्रतिशतलाई सङ्क्रमण देखिएको छ । सक्रिय सङ्क्रमितको सङ्ख्या १४ हजार ३४० पुगेको छ ।  

पछिल्लो समय थप २७१ जना कोरोनाबाट निको भएर घर फर्किएका छन् । योसँगै निको हुनेको सङ्ख्या आठ लाख १५ हजार ३४७ पुगेको छ । निको हुने दर ९६.९ प्रतिशत रहेको मन्त्रालयले जनाएको छ ।
विगत २४ घण्टामा  एक जनाको सङ्क्रमणको कारणले निधन भएको छ । अहिलेसम्म ११ हजार ६१० जनाको सङ्क्रमणका कारणले निधन भएकोे छ । 

अनुसार ५०० भन्दा बढी सङ्क्रमण भएको जिल्ला मोरङ, काठमाडौँ, ललितपुर, भक्तपुर र कास्की रहेका छन् । यस्तै २०० भन्दा बढी सङ्क्रमित भएका जिल्लामा सुनसरी, चितवन मकावानपुर,  बाँके, रुपन्देही र कैलाली रहेका छन् ।

यस्तै शून्य सङ्क्रमित भएका जिल्लामा मुगु मात्र रहेका छन् । नेपालमा सङ्क्रमण दर १६.९ प्रतिशत रहेको छ ।
हाल होम आइसोलेसनमा १३  हजार ५०३ ,संस्थागत आइसोलेसनमा ८३७ आइसियुमा ११० र भेन्टिलेटरमा २५ जनाको उपचार हुँदैछ । 

तीन लाख बढीले खोप लगाए

विगत २४ घण्टामा आज  तीन लाख ५६ हजार चार  जनाले खोप लगाएका छन् ।
अहिलेसम्म पहिलो मात्रा एक करोड ५४ लाख ६४ हजार ३३५ जना र पूर्ण मात्रा एक करोड १६ लाख ९१ हजार ३९३ जनाले लगाइसकेका छन् ।