काठमाडौँ । लामो समयदेखि विवादमा आएको ललिता निवास जग्गा प्रकरणमा जोडिएका थप तीन जना आरोपित पक्राउ परेका छन् ।

प्रहरीको केन्द्रीय अनुसन्धान ब्यूरोले आज बाबुराजा महर्जन, घमनकुमार कार्की र शिवजी भट्टराईलाई पक्राउ गरेको हो ।

महर्जन नक्कली मोही, भट्टाराई २०६० सालमा काठमाडौँ महानगर ४ का तत्कालिन वडा सचिव (हाल महानगरका अधिकृत) र कार्की २०६७ सालमा नापी कार्यालयका कर्मचारी थिए ।

कार्कीकै सिफारिसका आधारमा १४ रोपनीभन्दा बढी जग्गा नक्कली मोही र अरु व्यक्तिका नाममा पुगेको थियो ।