काठमाडौँ,  । सरकारले भोलिदेखि अग्रपंक्तिमा खटिने व्यक्तिलाई कोभिडविरुद्धको बुस्टर डोज दिने निर्णय गरेको छ । स्वास्थ्य तथा जनसंख्या मन्त्रालयको २८ पुसमा बसेको मन्त्रीस्तरीय बैठकले भोलिदेखि बुस्टर डोज दिने निर्णय गरेको हो ।

सो बैठकले १४ माघ देखि ६० वर्ष माथिका जेष्ठ नागरिक र रोग प्रतिरोधात्मक क्षमता कमजोरी भएका विरामीलाई पनि बुस्टर डोज दिने निर्णय गरेको छ ।

बुस्टर डोज लिनका लागि पूर्ण खोप लिएको ६ महिना पुरा भएको हुनुपर्ने पनि परिवार कल्याण महाशाखाद्धारा जारी विज्ञप्तीमा उल्लेख छ । बुस्टर डोज यसअघि जुन खोप लगाइएको थियो, सोही खोप लगाउन मन्त्रालयले अनुरोध समेत गरेको छ ।