काठमाडौँ । ललिता निवासको सरकारी जग्गा अपचलन गरेको अभियोगमा पक्राउ परेका १४ जनालाई थप पाँच दिन हिरासतमा राख्न अनुमति दिएको छ ।

सञ्चार तथा सूचना प्रविधि मन्त्रालयका सचिव कृष्णबहादुर राउत, भाटभटेनी सुपर मार्केटका मालिक मीनबहादुर गुरुङ र पूर्वनिर्वाचन आयुक्त सुधीरकुमार शाहलगायत १४ जनालाई थप पाँच दिन हिरासतमा राख्न जिल्ला अदालत काठमाडौँले अनुमति दिएको हो ।

गतआइतबार प्रहरीले पूर्व नापी अधिकृत ध्रुव अर्याल र समर्जङ कम्पनीको प्रमुख लोकहरी घिमिरेलाई पक्राउ गरेको थियो । यस्तै, त्रिभुवन विमानस्थलबाट सरकारका उच्च पदस्थ व्यक्ति सतिव राउत पक्राउ परेका थिए ।

आज मंगलबार यो प्रकरणमा जोडिएका थप दुई जनालाई प्रहरीले पक्राउ गरेको थियो ।