काठमाडौँ, । पछिल्लो २४ घण्टामा कोरोना भाइरसको सङ्क्रमण चार हजार ६३६ जनामा देखिएको छ ।
स्वास्थ्य तथा जनसङ्ख्या मन्त्रालयले आज सार्वजनिक गरेको वुलेटिनमा १४ हजार ५५६ परीक्षण गर्दा चार हजार ६३६ सङ्क्रमण पुष्टि भएको हो ।
सक्रिय सङ्क्रमितको सङ्ख्या २१ हजार ५८४ पुगेको छ ।
पछिल्लो समय थप ३५० जना कोरोनाबाट निको भएर घर फर्किएका छन् । योसँगै निको हुनेको सङ्ख्या आठ लाख १६ हजार ३ पुगेको छ । निको हुने दर ९६.१ प्रतिशत रहेको मन्त्रालयले जनाएको छ ।
विगत २४ घण्टामा चार जनाको सङ्क्रमणको कारणले निधन भएको छ । अहिलेसम्म ११ हजार ६१७ जनाको सङ्क्रमणका कारणले निधन भएकोे छ ।
अनुसार ५०० भन्दा बढी सङ्क्रमण भएको जिल्ला मोरङ, सुनसरी, काठमाडौँ, ललितपुर, चितवन, भक्तपुर, कास्की र कैलाली रहेका छन् । यस्तै २०० भन्दा बढी सङ्क्रमित भएका जिल्लामा झापा, धनुषा, मकवानपुर, काभ्रे, नवलपरासी पूर्व, बाँके र रुपन्देही कैलाली रहेका छन् । नेपालमा सङ्क्रमण दर १७ प्रतिशत रहेको छ ।
हाल होम आइसोलेसनमा २० हजार ५३६ ,संस्थागत आइसोलेसनमा एक हजार ४८ आइसियुमा ११९ र भेन्टिलेटरमा २६ जनाको उपचार हुँदैछ ।
चार लाख बढीले खोप लगाए
विगत २४ घण्टामा आज चार लाख ३५ हजार १९३ जनाले खोप लगाएका छन् ।
अहिलेसम्म पहिलो मात्रा एक करोड ५८ लाख १४ हजार ३८३ जना र पूर्ण मात्रा एक करोड २० लाख ९९ हजार ८०५ जनाले लगाइसकेका छन् ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९