काठमाडौँ । वायुसेवा कम्पनीहरूले भोलिदेखि आन्तरिक उडानको भाडादर बढाउने निर्णय गरेका छन् ।

आगामी आर्थिक वर्षको बजेट वक्तव्यमार्फत् अर्थमन्त्रीले हवाई यातायात सेवालाई मूल्य अभिवृद्धि करमा दर्ता अनिवार्य गरेसँगै भाडा बढाउने निर्णय भएको हो ।

नेपाल वायुसेवा सञ्चालक संघले आइतबार प्रेस विज्ञप्ति जारी गर्दै हवाई भाडा दरमा भ्याटको मूल्य समायोजन गर्ने जानकारी दिएको हो ।

भ्याटमा लाग्ने मूल्य यात्रुबाटै उठाउने गरी साउन १ बाट भाडादर बढाउने संघले जनाएको हो । मूल्य अभिवृद्धि कर १३ प्रतिशत रहेको छ ।