काठमाडौँ, । नेपालमा कोरोना संक्रमितमध्ये ८८ प्रतिशतमा ओमिक्रोन भेरियन्ट भएको पाइएको छ । तिब्रगतिमा संक्रमण फैलिएको बेला राष्ट्रिय जनस्वाथ्य प्रयोगशालाले गरेको जीन सिक्वेन्सिङमा ८८ प्रतिशतमा ओमिक्रोन भेरियन्ट भएको पुष्टि भएको हो ।
आइतबारको नियमित कोभिड ब्रिफिङमा स्वास्थ्य तथा जनसंख्या मन्त्रालयका सह प्रवक्ता डा समिरकुमार अधिकारीले संक्रमितमध्ये ३२ जनाको जीन सिक्वेन्सिङ गर्दा २८ जनामा ओमिक्रोन भेरियन्ट पुष्टि भएको बताए । उनले बाँकी ४ जनामा भने डेल्टा भेरियन्ट रहेको जनाए ।
नेपालमा पछिल्लो समय कोरोनाको संक्रमणदर तिब्र गतिमा फैलिएको थियो । फैलावटको हिसावले पनि धेरैको अनुमान ओमिक्रोन भेरियन्ट हो भन्ने थियो ।
पछिल्लो चौबिस घण्टामा देशभर ६ हजार ४६२ जनामा कोरोना संक्रमण पुष्टि भएको छ । यही अवधीमा थप १ हजार ४१६ जना संक्रमणमुक्त भएका छन् । आज कोरोना संक्रमणबाट थप ४ जनाको मृत्यु भएको छ ।
स्वास्थ्य तथा जनसंख्या मन्त्रालयले आइतबार दिएको जानकारी अनुसार पीसीआर र एन्टीजेन गरी १७ हजार ४३७ वटा नमुना परीक्षण गर्दा ६ हजार ४६२ जनाको रीपोर्ट पोजेटिभ आएको हो ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९