काठमाडौैँ । पछिल्लो २४ घण्टामा कोरोना भाइरसको सङ्क्रमण पाँच हजार ५८३ जनामा देखिएको छ । 
स्वास्थ्य तथा जनसङ्ख्या मन्त्रालयले गरेको आज सार्वजनिक गरेको वुलेटिनमा १७ हजार ६७४ परीक्षण गर्दा सङ्क्रमित सङ्ख्या पाँच हजार ५८३ रहेको छ । 
यस्तै  निको हुने सङ्ख्या आठ हजार २६७ पुगेको छ । निको हुने दर ९१ प्रतिशत रहेको मन्त्रालयले जनाएको छ ।

मन्त्रालयका अनुसार सक्रिय सङ्क्रमितको सङ्ख्या ७४ हजार  ६५३ पुगेको छ ।  

नौ जनाको निधन

विगत २४ घण्टामा आज नौ जनाको सङ्क्रमणको कारणले निधन भएको छ  । अहिलेसम्म ११ हजार ७५२ जनाको सङ्क्रमणका कारणले निधन भएकोे छ  । 
यस्तै ५००  भन्दा बढी सङ्क्रमण भएको जिल्ला १९ पुगेको छ । मन्त्रालयका अनुसार मोरङ, सुनसरी, झापा, धनुषा, सप्तरी, सिराहा, काठमाडौँ, ललितपुर, भक्तपुर, चितवन, मकवानपुर, काभ्रे, नुवाकोट कास्की, नवलपरासी पूर्व, बाके, रुपन्देही, दाङ र कैलाली रहेका छन् । यस्तै २०० भन्दा बढी सङ्क्रमित भएका १५ जिल्ला रहेका छन् । ति जिल्लामा पर्सा, बारा, महोत्तरी, सर्लाही, धादिङ, सिन्धुपाञ्चोक, सिन्धुली,  गोरखा, स्याङजा, वागलुङ, तनहु, पाल्पा, बर्दिया,सुर्खेत र कन्चनपुर रहेका छन् । 
नेपालमा सङ्क्रमण दर १८.३ प्रतिशत रहेको छ ।
हाल होम आइसोलेसनमा ७३ हजार १७८ ,संस्थागत आइसोलेसनमा एक हजार ४७५ , आइसियुमा २७९ र भेन्टिलेटरमा ५० जनाको उपचार हुँदैछ । 
करिव चार लाखले खोप लगाए 
विगत २४ घण्टामा आज करिव चार  लाखले कोरोना भाइरस विरुद्धको खोप लगाएका छन् । मन्त्रालयका अनुसार  तीन लाख ९९  जनाले खोप लगाएका छन् ।
यस्तै अहिलेसम्म कोरोना भाइरस विरुद्धको बुस्टर डोज चार लाख चार हजार ३३३ मात्रा लगाइएको छ ।