काठमाडौँ, । स्वास्थ्य तथा जनसङ्ख्या मन्त्रालयले कोरोना भाइरस विरुद्धको खोप विवरण आफू मातहतका निकायलाई भोलिसम्मका लागि बुझाउन निर्देशन दिएको छ । 

कोभिड–१९ विरुद्धको खोप अभिलेख सम्बन्धमा गठित छानविन समितिले तोकिएको समयसिमाभित्र केही जिल्ला र स्थानीय तहले विवरण नबुझाएपछि भोलिसम्म बुझाउन निर्देशन दिएको हो । 

छानविन समितिले छ जिल्लाका स्वास्थ्य कार्यालय र १०९ स्थानीय तहलाई भोलिसम्मका विवरण बुझाउन निर्देशन दिएको समितिका संयोजक संयोजक डा. गुणराज लोहनीले जानकारी दिए । 

यहि माघ १६ गते मन्त्रालयले खोपको एकिन तथ्याङ्क नभेटिएपछि मन्त्रालयका प्रमुख विशेषज्ञ डा. लोहनीको संयोजकत्वमा पाँच सदस्यीय छानविन समिति गठन गरेको थियो । 
समितिले यही माघ २१ गतेभित्र स्वास्थ्य सेवा विभागको व्यवस्थापन महाशाखा, सातवटै प्रदेशको स्वस्थ्य आपूर्ति व्यवस्थापन केन्द्र, ७७ वटै जिल्ला स्वास्थ्य कार्यालय, ७५३ वटै स्थानीय तहलाई खोपको मौज्दात र खोप लगाएका व्यक्तिको विवरण पठाउन निर्देशन दिएको थियो ।