काठमाडौँ । पशु सेवा विभागले काठमाडौँको गोकर्णेश्वर–३ र चितवनको राप्ति नगरपालिका–६मा पालेका कुखुरामा बर्ड फ्लु देखिएको जनाएको छ ।

विभागका निमित्त महानिर्देशक डा. लेखराज दहालले ति क्षेत्रमा पालेका कुखुराको केन्द्रीय पशुपंक्षी रोग अन्वेषण प्रयोगशालामा पिसिआर परीक्षण गर्दा बर्ड फ्लु देखिएको बताए । ती स्थानमा रहेका कुखुरा, अण्डा, दाना नस्ट गरेको जनाएको छ । 

उनले बर्ड फ्लु देखिएपछि गोकर्णेश्वर नगरपालिकामा २० वटा स्थानीय कुखुरा, पाँच परेवा, तीन वटा लौकाट नष्ट गरिएको बताए । 

यस्तै चितवनको राप्ति नगरपालिकामा एक हजार ९१३ लेयर्स कुखुरा,  १४ हाँस, २० हाँसको अण्डा, एक हजार दाना र ३५० ओटा अण्डा नष्ट गरिएको छ । 
उनका अनुसार रोग देखापरेका क्षेत्रलाई पूर्ण निसंक्रमण समेत गरिएको छ ।