काठमाडौँ, । त्रिभुवन विश्वविद्यालय (त्रिवि) सेवा आयोगले उपप्राध्यापक पदको परीक्षा  स्थगित गरेको छ ।   आयोगले सूचना जारी गर्दै सर्वोच्च अदालतको आदेशको कारणले परीक्षा स्थगित गर्नुपरेको उल्लेख गरिएको छ । 

“सर्वोच्च अदालतबाट विज्ञापन नं. ७०१÷०७७÷०७८ देखि ८२८÷०७७÷०७८ सम्मको पदमा पदपूर्ति गर्ने कार्य हाल नगर्नु नगराउनु भन्ने अल्पकालिन अन्तरिम आदेश प्राप्त भएको हुंदा आयोगको निर्णय बमोजिम उक्त परीक्षा हाललाई स्थगित गरिएको छ,” सूचना भनिएको छ । 

यहि चैत ८ गतेदेखि आयोगको उपप्रध्यापक पदको लिखित परीक्षा संचालनको गर्ने तयारी गरेको थियो । 

त्रिवि आयोगले सर्वोच्च अदालतबाट अर्को आदेश प्राप्त हुना साथ परीक्षा तालिका प्रकाशित गरिने जनाएको छ ।