काठमाडौँ, ।  कोरोना भाइरसको सङ्क्रमण आज ४४ जनालाई देखिएको छ ।

स्वास्थ्य तथा जनसङ्ख्या मन्त्रालयले आज सार्वजनिक गरेको वुलेटिनमा छ हजार ५९४ जनामा कोरोना परीक्षण गर्दा ४४ जनामा सङ्क्रमण देखिएको छ । 
मन्त्रालयका अनुसार सक्रिय सङ्क्रमितको सङ्ख्या दुई हजार  ६८८ जना रहेका छन् ।

पछिल्लो समय ४८१ जना कोरोनाबाट निको भएर घर फर्किएका छन् । योसँगै निको हुनेको सङ्ख्या नौ लाख ६३ हजार ५९२ पुगेको छ । निको हुने दर ९८.५ प्रतिशत रहेको मन्त्रालयले जनाएको छ ।

सङ्क्रमणबाट आज एक जनाको निधन भएको छ । आज निधन भएकासंगै अहिलेसम्म ११ हजार ९५१ जनाको निधन भएको छ । 

। मन्त्रालयका अनुसार २०० भन्दा बढी सङ्क्रमित भएका जिल्लामा ललितपुर र  काठमाडौँ रहेका छन् ।  
शून्य संक्रमित भएको चार मात्र जिल्ला मनाङ, रुकुम पूर्व, बाजुरा र जुम्ला रहेका छन् । 
नेपालमा सङ्क्रमण दर १७.७ प्रतिशत रहेको छ ।

हाल होम आइसोलेसनमा दुई हजार ६३७, संस्थागत आइसोलेसनमा ५१, आइसियुमा २३ र भेन्टिलेटरमा दुई जनाको उपचार हुँदैछ । 
विगत २४ घण्टामा ७३ हजार ६४२ जनाले खोप लगाएका छन्