काठमाडौँ, ।  कोरोना भाइरसको सङ्क्रमण आज २५  जनामा देखिएकोे छ । 

स्वास्थ्य तथा जनसङ्ख्या मन्त्रालयले आज सार्वजनिक गरेको वुलेटिनमा चार हजार ९५१ जनामा कोरोना परीक्षण गर्दा २५ जनामा सङ्क्रमण देखिएको छ । 
मन्त्रालयका अनुसार सक्रिय सङ्क्रमितको सङ्ख्या एक हजार ८१ जना रहेका छन् ।

पछिल्लो समय ८९ जना कोरोनाबाट निको भएर घर फर्किएका छन् । योसँगै निको हुनेको सङ्ख्या नौ लाख ६५ हजार ३९४ पुगेको छ । निको हुने दर ९८.७ प्रतिशत रहेको मन्त्रालयले जनाएको छ ।
आज संक्रमणबाट कसैको पनि निधन भएको छैन । 

शून्य संक्रमित भएको १४ जिल्ला संखुवासभा, सोलुखुम्बु, धनकुटा, वारा, दोलखा, मनाङ, मुस्ताङ, पूर्व रुकुम, सल्यान, जाजरकोट, जुम्ला, डोल्पा, बाजुरा र हुम्ला   छन् । 
नेपालमा सङ्क्रमण दर १७.६ प्रतिशत  छ ।

हाल होम आइसोलेसनमा एक हजार २६ , संस्थागत आइसोलेसनमा ५५, आइसियुमा १४ र भेन्टिलेटरमा तीन जनाको उपचार हुँदैछ । 
विगत २४ घण्टामा ६० हजार २६० जनाले खोप लगाएका छन् ।