काठमाडौं । नेकपा (एमाले)ले मुलुकको वर्तमान आर्थिक अवस्थाका बारेमा आफ्नो धारणा सार्वजनिक गर्ने भएको छ । एमालेले आफ्ना पार्टीका तीन पूर्वअर्थमन्त्रीहरुले ललितपुरस्थित होटल हिमालयमा दिउँसो साढे १२ बजे पत्रकार सम्मेलन गरी पार्टीको आधिकारिक धारणा सार्वजनिक गर्ने भएका हो।

एमाले उप(प्रमुख केन्द्रीय प्रचार विभागका विष्णु रिजालले वर्तमान आर्थिक अवस्था, गर्भनरको निलम्बनका बारेमा पार्टीका तीन पूर्व अर्थमन्त्रीले धारणा राख्ने बताए ।

उनका अनुसार उक्त पत्रकार सम्मेलनमा विष्णुप्रसाद पौडेल, सुरेन्द्र पाण्डे र डा.युवराज खतिवडाले पार्टीको आधिकारिक धारणा राख्ने छन् ।
सरकारले केही दिन अघि मात्र गर्भनर महाप्रसाद अधिकारीलाई हटाउने निर्णय गरेको थियो ।