काठमाडौँ । नेपाल प्रगतिशील प्राध्यापक संगठनको अध्यक्षमा डा. वेदराज केसी निर्वाचित हुनु भएको छ । कीर्तिपुरमा सम्पन्न भएको संगठनको दशौँ राष्ट्रिय सम्मेलनले डा. केसीको अध्यक्षतामा नयाँ कार्यसमिति गठन गरेको हो । 

संगठनको सात उपाध्यक्षमा डा. खगराज शर्मा, रामकुमार राई, मनोज विष्ट, भोला  ओझा, वलराम रायमाझी, तिलक भुसार र महिला उपाध्यक्षमा सरिता निरौला निर्वाचित भएका छन् । 

संगठनको महासचिवमा पदम प्रसाद खतिवडा, उपमहासचिवमा सुमन खरेल र  नरेन्द्र कोइराला निर्वाचित गरिएको छ । 

यस्तै संगठनले सातवटै प्रदेशमा सात जना सचिव चयन गरेको छ । प्रदेश नंं १ मा होमवहादुर बस्नेत, मधेश प्रदेशमा किशोरकुमार शाह, वागमती प्रदेशमा देवराज अर्याल, गण्डकी प्रदेशमा कृष्णराज अधिकारी, लुम्बिनी प्रदेशमा दिनेश पन्थी, कर्णाली प्रदेशमा तेजविक्रम बस्नेत, सुदुरपश्चिम प्रदेशमा मानवहादुर जोरा रहेका छन् ।

कोषाध्यक्षमा नन्दिकेशर नेपाललाई निर्वाचित गरिएको छ ।