काठमाडौँ, । कोरोना भाइरसको सङ्क्रमण आज १४ जनामा मात्र देखिएको छ ।  

स्वास्थ्य तथा जनसङ्ख्या मन्त्रालयले आज सार्वजनिक गरेको वुलेटिनमा दुई हजार ७१६ जनामा कोरोना परीक्षण गर्दा १४  जनामा सङ्क्रमण देखिएको छ । 
मन्त्रालयका अनुसार सक्रिय सङ्क्रमितको सङ्ख्या २०५ जना रहेका छन् ।

पछिल्लो समय २१ जना कोरोनाबाट निको भएर घर फर्किएका छन् । योसँगै निको हुनेको सङ्ख्या नौ लाख ६६ हजार ७६८ पुगेको छ । निको हुने दर ९८.८ प्रतिशत रहेको मन्त्रालयले जनाएको छ ।

आज संक्रमणबाट कसैको पनि निधन भएको छैन । शून्य सङ्क्रमित भएको ३० जिल्ला पुगेका छन् ।  नेपालमा सङ्क्रमण दर १७.३ प्रतिशत छ । नेपालमा प्रति दश लाखमा ३९३.४ जनाको निधन भएको छ । 

हाल होम आइसोलेसनमा २०२ र संस्थागत आइसोलेसनमा तीन जना जनाको उपचार हुँदैछ ।  विगत २४ घण्टामा ६९ हजार ६५६ जनाले खोप लगाएका छन्