काठमाडौँ । बलात्कार गरेको आरोपमा मिस ग्लोबल कन्सल्टेन्सीका संचालक मनोज पाण्डे पक्राउ गरेका छन् । 

युवतीलाई सौन्दर्य प्रतियोगिता आयोजनाका नाममा  बलात्कार गरेको आरोपमा उनी आज स्वयम्भुबाट पक्राउ परेका हुन् । 

आठ वर्षपहिले प्रतियोगिता आयोजना गरी एक किशोरीलाई पटकपटक बलात्कार गरेको आरोप पाण्डेमाथि रहेको छ । 

मिस ग्लोबल इन्टरनेशनलमा भाग लिन आएकी तत्कालीन अवस्थामा १६ वर्ष रहेकी एक किशोरी बलात्कार गरेको आरोप उनलाई पक्राउ गरेको हो ।

पीडित युवतीले आठ वर्षपछि सामाजिक सञ्जालमा भिडियो सार्वजनिक गर्दै घटनाबारे खुलासा गरेपछि यो विषय राष्ट्रिय चासोका रुपमा देखिएको थियो ।

हिजादेखि विभिन्न समूहले बलात्कारिका आरोपित पाण्डेलाई पक्राउ गर्नका लागि काठमाडौँमा प्रर्दशन शुरु गरेका छन् । आज पनि माइतीघरमा प्रर्दशन गरेका थिए ।