काठमाडौं, । यौन दुर्व्यवहारको बिषय आन्दोलन चर्किरहेको वेला नेपाल स्वास्थ्य अनुसन्धान परिषद्का एक अधिकृत तहका कर्मचारी पनि मुछिएका छन् ।

परिषद् इन्टर्नसिपमा आएकी एक युवतीलाई दुर्व्यवहार गरेको आरोपमा परिषदले तालिम अधिकृत विजयकुमार झालाई निलम्बनसहितको कारबाहीमा परेका छन् । पिडित युवतीले झाले आफूलाई दुरव्यवहार गरेको भन्दै परिषद्मा उजुरी दिएपछि झालाई निलम्बन गरेको हो । 

 झाले परिषदमा इन्टर्नसिपमा आएकी एक युवतीलाई वैशाख २४ गते कार्यालयमा बोलाएर दुर्व्यवहार गरेका थिए। 

परिषदका सदस्य सचिव डा. प्रदीप ज्ञवालीले उजुरीका सम्बन्धमा कारवाही प्रक्रिया अगाडि बढाएको बताए । यसअघि पनि झालाई परिषद्ले अनैतिक क्रियाकलाप गरेको भन्दै कारवाही गरेको थियो ।