काठमाडौँ, । काठमाडौं विश्वविद्यालय (केयु) ले आफ्नो २७ औं दीक्षान्त समारोह (दोस्रो चरण) २०७९ जेठ २० गते शुक्रबार बिहान ९ बजे काठमाडौं विश्वविद्यालय केन्द्रीय परिसर धुलिखेलमा आयोजना गर्ने भएको छ ।
सो समारोहमा आर्ट्स, एजुकेसन, इन्जिनियरिङ, म्यानेजमेन्ट, साइन्स र मेडिकल साइन्सेज विधाका जम्मा ११ जना पीएचडी उपाधि हासिल गरेका र ४३ जना एमफिल, १ हजार ६५८ जना स्नातक र स्नातकोत्तर तहका वद्यार्थी दीक्षित गर्दै केयुले हुनेछन् । ती मध्ये आर्ट्सका ३२ जना, एजुकेसनका १०० जना, इन्जिनियरिङका ३५२ जना, म्यानेजमेन्टका १६ जना, मेडिकल साइन्सेजका ९९३ जना र साइन्सका २१९ जनालाई दीक्षित गर्दै केयुले २७ औं दीक्षान्त समारोह (दोस्रो चरण) आयोजना गर्ने भएको हो ।
दीक्षित हुने विद्यार्थीहरूमध्ये पुरुषको ६०.२८ प्रतिशत (१०३२ जना) र महिलाको ३९.७२ प्रतिशत (६८० जना) रहेको केयुले आज वितरण गरेको प्रेस वक्तव्यमा उल्लेख गरिएको छ ।
सो समारोहमा भारत, श्रीलङ्का, माल्दिभ्स, अमेरिका, अस्ट्रेलिया, चीन, बङ्गलादेश, नेदरल्यान्ड र जर्मनी गरी ९ देशका १५७ जना विद्यार्थीलाई दीक्षित गर्ने भएको छ ।
कार्यक्रममा विएस्सी कम्प्युटेशनल म्याथका १५ जना, एबएसी इन फिजिक्सका ९ जना, एमएससी इन पब्लिक हेल्थमा ५ जनालाई दीक्षित गर्ने भएको छ ।
केयुले २७ औं दीक्षान्त समारोहसम्ममा ३८ हजार ३३६ जना उत्तीर्ण हुनेछन् । केयु सभाको ९२ औं बैठकले दीक्षित हुने विद्यार्थीको ग्रेस लिस्ट पारित गर्ने केयुद्वारा जारी वक्तव्यमा उल्लेख गरिएको छ ।
कोभिड — १९ को प्रकोप शान्त भइनसकेको हुँदा २७ औं दीक्षान्त समारोह विश्व स्वास्थ्य सङ्गठनले निर्देश गरेबमोजिम मास्क, स्यानिटाइजर र भौतिक दूरीका साथ आयोजना गरिने केयुले जानकारी दियो ।
कुलपति तथा प्रधानमन्त्री शेरबहादुर देउवाको अध्यक्षता, आईआईटी हैदराबादका निर्देशक प्राडा बीएस. मूर्तिको प्रमुख आतिथि र सहकुलपति एवम् शिक्षा, विज्ञान तथा प्रविधिमन्त्री देवेन्द्र पौडेलको उपस्थितिमा सो दीक्षान्त समारोह आयोजना गर्ने भएको हो ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९