काठमाडौँ, । स्वास्थ्य तथा जनसङ्ख्या मन्त्री विरोध खतिवडाले पाँच बर्षदेखि ११ बर्ष उमेर समूहका बालबालिकालाई ‘फाइजर’ खोप लगाउने जानकारी दिएका छन् ।
आज भिडियो मार्फत उनले पाँच बर्षदेखि ११ बर्ष उमेर समूहका ३९ लाख बालबालिकालाई कोरोना भाइरस विरुद्धको खोप लगाउने जानकारी दिए ।
उनका अनुसार बालबालिकालाई खोप प्रदानका गर्नका लागि विद्यालयमा खोप केन्द्र तोकि दुई चरणमा खोप अभियान संचालन हुने छ ।
पहिलो चरणमा २७ वटा जिल्लामा असार ९ गतेदेखि १५ गतेसम्म पहिलो मात्रा र सोही समूहलाई दोस्रो मात्रा साउन २ देखि ८ गतेसम्म संचालन गरिने छ ।
ययस्तै दोस्रो चरण ५० जिल्लामा भदौ ५ देखि ११ गतेसम्म पहिलो मात्रा र सोही समूहलाई दोस्रो मात्रा भदौ २७ देखि असोज १ गतेसम्म संचालन गरिने छ ।
उनले अध्ययनले देखाएको अनुसार खोप सुरक्षित रहेकोले सवै अभिभावकलाई आफ्ना बालबालिकालाई खोप लगाउनका लागि अनुरोध गरे ।
उनले खोप खरिद प्रक्रिया भएपनि कोभ्याक्स मार्फत निःशुल्क ल्याउन थालिएको बताए । “खोप खरिद प्रक्रियामा रहेको थियो । जसको मूल्य ६ अर्बभन्दा माथि रहेको थियो । तर मन्त्रालयले निरन्तर प्रयासमार्पत कोम्यभास सुविधामा मार्फत निःशुल्क ल्याउन थालिइएको हो” उनले भने ।
केन्द्रीय भण्डारणमा राखेर सङ्घ, प्रदेश र स्थानीय खोप वितरण गरिने छ । नेपालमा अहिलेसम्म पाँच करोड ३३ लाख मात्रा खोप भित्रिसकेको छ ।
१२ बर्षभन्दा माथिका ८५ प्रतिशतलाई पहिलो, दोस्रो र बुष्टर मात्रा खोप प्रदान गरिसकेको र ९६ प्रतिशतलाई पहिलो मात्रा खोप लगाइसकेको उनले जानकारी दिए ।
सम्पूर्ण नागरिकलाई खोप लगाउनका लागि सरकार प्रतिवद्ध रहेको उनको भनाई रहेको छ ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९