गुल्मी,। रेसुङ्गा विमानस्थलको निर्माण कार्य अन्तिम चरणमा पुगेको छ । विमानस्थलको टर्मिनल भवन र धावनमार्गको काम लगभग सकिएको छ भने टावर निर्माणको काम अझै बाँकी छ ।

अहिले विमानस्थलको धावनमार्गको कालोपत्रे, वाह््य ढल निर्माण, टर्मिनल भवन निर्माण र रनवए मार्किनको कामा सकिएको छ । 

२०७५ साल जेठमा पहिलो पटक तारा एयरले परीक्षण उडान गरेको थियो । विमानस्थल धावनमार्गको ५२० मिटर लम्बाई र २० मिटर चौडाई रहेको छ । कुल १५६ रोपनी

जग्गामा फैलिएको विमानस्थलमा हालसम्म ३२ करोड ९० लाख रुपिया खर्च भइसकेको छ । 

२०६३ सालमा तत्कालिन संस्कृति, पर्यटन तथा नागरिक उड्डयन मन्त्री प्रदीपकुमार ज्ञवालीले विमानस्थलको शिलन्यास गरेका थिए । २०६३ सालमा शिलन्यास भएपनि २०७२ सालबाट मात्र विमानस्थलको काम शुरु भएको थियो । 

रेसुङ्गा विमानस्थल बनेपछि गुल्मीका मानिसलाई संघीय राजधानी जोड्नका लागि हवाईमार्गबाट सजिलो हुने छ ।