डोल्पा । कर्णाली प्रदेश अन्तर्गत  डोल्पा जिल्लाको जगदुल्ला गाउँपालिकामा राष्ट्रिय युवा परिषदद्वारा आयोजित   सातदिने उद्यमशीलता तथा वित्तीय साक्षरता तालिम शुरु भएको छ । आइतबार जगदुल्ला गाउँपालिकाको सभाहलमा परिषदका कार्यकारी उपाध्यक्ष सुरेन्द्र बस्नेतले कार्यक्रमको उद्घाटन गरेका छन् ।

कार्यक्रम वोल्दै उपाध्यक्ष बस्नेतले सहुलियतपूर्ण कर्जा सहजिकरण , उद्यमशीलता र वित्तीय साक्षरता तालिमले युवाहरुलाई स्वरोजगार वन्ने वाटो देखाउने वताए । हरेक वर्ष ४ लाख ५० हजार युवा नेपाली श्रम वजारमा निस्कने जिकिर गर्दै  बस्नेतले भने -' नेपाली युवाहरु स्वरोजगार वन्नुको विकल्पै छैन। ' 

सातदिन सम्म चल्ने तालिम कार्यक्रमले जगदुल्लाका युवाहरूलाई उद्यमी वन्न निकै ठुलो प्रेरणा र उत्साह मिल्ने गाउँपालिकाका अध्यक्ष नारासिं रोकायले वताए । रोकायले परिषदले जगदुल्ला जस्तो विकट ठाउँ छनौट गरेकोमा धन्यवाद दिए।

जगदुल्लाका ६ वटा वडाहरुवाट छनौट भएका ६० जना युवा प्रशिक्षार्थीलाई ३० ,३० जनाको दुईवटा समुह वनाई ४ जना प्रशिक्षकले तालिम दिनेछन् । तालिम दिने प्रशिक्षकमा  ऋतुवर्ण सिल्वाल, जयदुर्गा वुढाथोकी , डिल्लेश्वर प्रधान र नारायणकाजी काशीछवा रहेका छन् ।