काठमाडौं, २९ असोज ।
राष्ट्रिय स्वतन्त्र पार्टीले नगरपालिकाको उम्मेदवार बन्नका लागि क्यान्डिडेट क्लबको आवेदन खुलाएको छ। नगरपालिकाको प्रमुख, उपप्रमुख, वडाध्यक्ष तथा वडासदस्यको उम्मेदवारका आकांक्षीहरूले रास्वपाको मोबाइल एपमार्फत आवेदन दिन सक्नेछन्।
यसअघि रास्वपाले गाउँपालिकाको उम्मेदवारको आवेदन खुलाएको थियो। रास्वपाले बुधबार मात्र स्थानीय निर्वाचनका उम्मेदवार छनोट रूपरेखा सार्वजनिक गरेको थियो।
