काठमाडौं, २२ पुस । नेकपा एमालेको केन्द्रीय सचिवालयको बैठकले महाधिवेशनबाट नवौ नम्बरमा निर्वाचित सचिव भानुभक्त ढकाललाई पहिलो रोजाइको जिम्मेवारी दिएको छ । वैठकले पार्टीको सबैभन्दा महत्वपूर्ण मानिने संगठन विभागको जिम्मेवारी ढकाललाई दिएको हो ।
गत ३ पुसमा सम्पन्न ११ आंै महाधिवेशनमा ढकाल १हजार १ सय ८ मत प्राप्त गरी नवौ नम्बरमा निर्वाचित भएका थिए । नौ सचिव मध्ये पहिलो लोकप्रिय मत महेश बस्नेतले १ हजार ५ सय ५४ प्राप्त गरेका थिए । उनलाई बाग्मती प्रदेश संयोजकको जिम्मेवारी एमाले सचिवालय बैठकले दिएको छ । पार्टीभित्र चरम गुटबन्दी गर्ने नेताको रुपमा ढकाल परिचित छन् । अघिल्लो २०७९ को संघीय संसदको निर्वाचनमा कांग्रेसका सुनील शर्मासँग पराजित भएका थिए । मोरङ ३ मा ढकाल शर्मासँग २२ हजार ७ सय ३६ मतान्तरले पराजित भएका थिए ।
