काठमाडौँ । चन्द्रागिरी ब्याडमिन्टन क्लबको स्थापना दिवसको अवसरमा विभिन्न कार्यक्रम गरेको छ । 

दिवसका अवसरमा क्लवले मातातीर्थ वृद्धाश्रमलाई ब्लाङ्केट, मास्क लगायतका स्वास्थ तथा सरसफाई सामाग्री प्रदान गरिएको छ ।  क्लबका अध्यक्ष राजकुमार पोखरेलले  वृद्धाश्रमका सदस्य धर्म महर्जनलाई सो हस्तान्तरण गर्नु भएको हो । 

विगतमा विश्वव्यापी  महामारीको रुपमा फैलिएको कोभिड –१९ नियन्त्रण  तथा रोकथामका लागि  चन्द्रागिरी नगरपालिकालाई क्लवले  एक लाख तीन हजार १०० रुपियाँ आर्थिक सहयोग गरेको  छ । 

राष्ट्रिय तथा अन्तराष्ट्रिय खेलाडीको  स्वास्थ्य उपचारमा  सहयोग गरेवापत राष्ट्रिय खेलकुद परिषदले क्लबलाइ  सम्मान गरेको छ । 

चन्द्रुगिरी भित्रका एक खेलाडीको उपचारार्थ  क्लबबाट आर्थिक सहयोग गर्ने भएको छ । 

क्लवका अध्यक्ष पोखरेल चन्द्रागिरी नगरपालिकाबाट राष्ट्रिय खेलाडि उत्पादन गर्ने लक्ष्य रहेको बताए । यस्तै क्लवले विधालय स्तरीय प्रतियोगिता संचालन गर्ने उनले जानकारी दिए । 

प्रतियोगिता वा प्रशिक्षणको क्रममा खेलाडी घाइते भएमा वा चोटपटक लागेमा खेलाडीलाई सहयोग उपलब्ध गराउने र सोको लागि खेलाडी राहत कोष स्थापना गर्ने उनको भनाई रहेको छ । 

कार्यक्रममा क्लबका अध्यक्ष  पोखरेल, उपाध्यक्ष धर्मराज घिमिरे, सचिव  मनोहर विक्रम कुवँर,  कोषाध्यक्ष सन्तोष पन्थ, सल्लाहाकार नारायणप्रसाद  सिग्देल लगायतको सहभागिता रहेको छ ।