काठमाडाैं । उपप्रधानमन्त्री एवं गृहमन्त्री नारायणकाजी श्रेष्ठले जनता समाजवादी पार्टीका अध्यक्ष बाबुराम भट्टराईलाई समाजवादी माेर्चा नेपालमा ल्याउन प्रयासरत रहेकाे बताएका छन् ।

शनिवार एक पत्रकार भेटघाट कार्यक्रममा बाेल्दै मन्त्री श्रेष्ठले यस्ताे बताएका हुन् । उनले मोर्चामा कुनै एउटै पार्टीको मात्रै निर्णय लागु नहुने भएकाले अहिले भट्टराईलाई समेट्न नसकिएकाे बताए ।

मन्त्री श्रेष्ठले भने, ‘बाबुराम जि सँग हामीले एउटै चुनाव चिन्हमा चुवाव लडिसकेको उहाँलाइ मोर्चामा ल्याउनुपर्छ भनेका हाैँ। तर मोर्चामा कुनै एउटै पार्टीको मात्रै निती लागु हुँदैन ।’ उनले भने, ‘यहि समस्याका कारण बाबुराम भट्टराई अहिले समाजवादी मार्चा नेपालमा नरहनु भएको हो ।’

मन्त्री श्रेष्ठले यसमा सबैको साझा सहमती चाहिने भएकाले अहिले भट्टराईसँग राम्रो सम्बन्ध राख्दै, सहकार्य गर्दै आगाडि बढिरहेकाे बताएका छन् ।

उनले भने, सबैको साझा सहमती हुनुपर्ने भएको कारणले अहिले उहाँलाई ल्याउन सकेका छैनौँ । हामी उहाँसँग राम्रो सम्बन्ध राख्दै, सहकार्य गर्दै आगाडि बढ्छौं ।’