तस्वीर सौजन्यः नागरिक 

काठमाडौं । अन्तरिम प्रधानमन्त्री सुशीला कार्कीले आफ्नो मन्त्रीमण्डलमा सहभागी हुनेमध्ये तीन जनाको नाम टुंगो लगाएकी छन् । प्रधानमन्त्रीनिकट स्रोतका अनुसार अर्थमन्त्रीमा रामेश्वर खनाल, ऊर्जा, भौतिक तथा शहरी विकासमन्त्रीमा कुलमान घिसिङ र कानुन तथा गृहमन्त्रीमा ओमप्रकाश अर्यालको नाम टुंगो लागेको छ । 

कार्यभार सम्हालेकै दिन प्रधानमन्त्री कार्कीले तीन मन्त्रीहरूको नाम टुंगो लगाएकी हुन् । उनीहरूको शपथ भोलि सोमबार हुने तय भएको छ । 

मन्त्रीमा टुंगो लाग्नेमा खनाल पूर्व अर्थसचिव हुन् भने घिसिङ नेपाल विद्युत् प्राधिकरणका पूर्व कार्यकारी निर्देशक हुन् ।अर्यालले काठमाडौं महानगरका मेयर बालेन शाहका कानुनी सल्लाहकारका रूपमा काम गरेका थिए ।

खनाल पूर्वअर्थसचिव हुन् । हालै उनको नेतृत्वको आर्थिक पुनर्संरचना आयोग बनेको थियो । खनाल संयोजक रहेको समितिले बुझाएको प्रतिवेदनका केही बुँदा समेटेर निवर्तमान अर्थमन्त्री विष्णु पौडेलले बजेट ल्याएका थिए ।