के-के भयो कुराकानी?
काठमाडौं महानगरपालिकाका मेयर बालेन्द्र शाह (बालेन) ले महानगरको काम-कारबाहीलाई सहज बनाउन विभिन्न उपाय र शैली अपनाउन थालेका छन् । उनले महानगरको कामलाई सहज रुपमा अघि बढाउन वडाध्यक्षहरूसँग छलफल अगाडि बढाएका छन् । आज शनिबार मेयर शाहले काठमाडौं-१६ का अध्यक्ष मुकुन्द रिजाललाई भेटेका छन् ।
रिजालको बालाजुस्थित घरमै पुगेका मेयर शाहले फोहोर व्यवस्थापन र महानगरका काम-कारबाहीका विषयमा सुझाव मागेका छन् । उनले रिजालको कार्यशैलीबाट आफू प्रभावित भएको भन्दै निरन्तर सहयोगको अपेक्षा गरेको बताएका थिए ।
कलाकार अर्जुन घिमिरे (पाँडे) सहित रिजालको घर पुगेका मेयर शाहले त्यहाँ झण्डै दुई घण्टा बिताएका थिए । ‘लञ्च’ सहितको सो ‘मिटिङ’ मा वडाध्यक्ष रिजालले फोहोर व्यवस्थापनमा नगर प्रमुखको सक्रियताको प्रशंसा गरे । मेयरलाई सघाउन आफूले कुनै कसर बाँकी नराख्ने प्रतिबद्धता जनाए ।
रिजालले भने, ‘नगर प्रमुख ज्यूसँग छलफल भएको हो, महानगरपालिका केन्द्रित छलफल भएको छ । ’ भेटमा सहभागी पाँडेले भने जनप्रतिनिधिहरूसँग परामर्श गर्ने नीतिअनुसार आजको भेटघाट भएको बताए । रिजालले महानगरपालिकाको पहिलो कार्यपालिका बैठकमा प्रक्रियाको विषय सम्झाएका थिए । त्यस लगत्तै सामाजिक सञ्जालमा उनी भाइरल’ बनेका थिए ।
नेपाल चर्चा आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, अन्तर्वार्ता तथा जीवनका विभिन्न आयामका सम्पूर्ण समाचार र विश्लेषणलाई तपाई सामु पस्कने छ।
बानेश्वर ३१, काठमाडौँ
९८५११५५७९६
nepalcharchanews@gmail.com
अध्यक्ष : द्वारिकाप्रसाद न्याैपाने
सम्पादक : शरदकुमार शर्मा
प्रमुख कार्यकारी अधिकृत : सुशिला गाैतम
राइज नेपाल मिडिया प्रालि
सुचना बिभाग दर्ता नं. : ३३१०-२०७८/७९