काठमाडौं, ८ जेठ । एमालेमा अध्यक्ष केपी शर्मा ओलीपछि पाँच उपाध्यक्षरुको वरियता तोकिएको छ । जसअनुसार उपाध्यक्ष रामबहादुर थापा‘बादल’ पहिलो र रघुजी पन्तलाई पाचौं वरियतामा रहनेगरी प्रस्ताव गरिएको छ । दोस्रो वरियतामा विष्णुप्रसाद पौडेल, तेस्रोमा पृथ्वीसुब्बा गुरुङ र चौथोमा गोकर्ण बिष्टको वरियता प्रस्तावित छ । यसलाई एमालेभित्र माओवादीको ‘बादल’ मडारिएको दावी गरिएको छ । ओलीले आफ्नो एस म्यास खोज्दै जाने क्रममा बादललाई अघि सारेका हुन् ।
