काठमाडौं १२ माघ।
आईसीसी महिला टी–२० विश्वकप ग्लोबल छनोटअन्तर्गत समूह चरणको अन्तिम खेलमा नेपालले स्कटल्यान्डविरुद्ध टस जितेको छ। कप्तान इन्दु बर्माले टस जितेर पहिले बलिङ गर्ने निर्णय गरेकी छन्।
यस खेलका लागि नेपालले टोलीमा एक परिवर्तन गरेको छ। पेस बलर सुमन विष्टको स्थानमा स्पिनर मनिषा उपाध्यायलाई समावेश गरिएको छ।
सुपर सिक्समा पुग्ने सम्भावना कायम राख्न नेपालका लागि आजको खेल जित्नैपर्ने दबाबपूर्ण अवस्था छ।
नेपालको प्लेइङ–११मा इन्दु बर्मा, पूजा महतो, सम्झना खड्का, बिन्दु रावल, रुबिना क्षेत्री, कविता कुँवर, रिया शर्मा, मनिषा उपाध्याय, सीता राना मगर, रोमा थापा र कविता जोशी रहेका छन्।
