काठमाडौ, १८ चैत ।
एमालेमा युवा विद्यार्थीहरुको ठूलो पंक्तिले नेतृत्वविरुद्ध आवाजउठाउन थालेका छन् । एमालेको मुल नेतृत्व नजिक माओवादी कमाण्ड सम्हालेर आएका रामबहादुर थापा पुगेपछि नेकपा एमालेका महासचिव शंकर पोखरेलको राजीनामा माग्दै अनेरास्ववियुका विद्यार्थीहरूले प्रदर्शन गरेका छन् । त्यतिमात्र होइन एमालेले जेनजीको भावना मुताविक सोच्न नसकेको पनि युवा विद्यार्थीहरुमाझ आक्रोृस बढेको छ ।
अस्कल क्याम्पसबाट निस्किएका विद्यार्थीहरूले पोखरेलको राजीनामा मागसहित प्रदर्शन गरेका छन् । प्रदर्शनका क्रममा सुहाङ नेम्वाङको पक्षमा नारा लागेको छ । नेम्वाङ एमाले संसदीय दलको नेताका आकांक्षी थिए । तर रामबहादुर थापालाई निर्विरोध निर्वाचित गराउन सांसदहरुलाई महासचिव पोखरेलले दबाब दिइएको भन्दै युवाहरुले सामाजिक सञ्जालमा आपत्ति जनाइरहेका छन् ।
सामाजिक सञ्जालमा राजीनामा अभियान चलाइरहेका युवा–विद्यार्थीहरूले बुधबार राति सडक प्रदर्शन गरेका छन् ।उनीहरूले पार्टीभित्र युवाहरूलाई अवसर दिनुपर्ने, पार्टी कब्जा गर्न नपाइने, महासचिव पदबाट पोखरेलले राजीनामा दिनुपर्ने लगायत नारा लगाएका छन् । प्रदर्शनमा उत्रिएका युवाहरूले पार्टी केन्द्रीय कार्यालय अगाडि महासचिव पोखरेलको पुत्ला दहन पनि गरेका छन् ।
