काठमाडौँ । स्वास्थ्य तथा जनसङ्ख्या मन्त्रालयले कोठालाई न्यानो बनाईराख्न आगो ताप्ने, हिटर बाल्ने, गिजरको प्रयोग गर्ने लगायतका कार्य गर्दा सावधानी अपनाउन अपिल गरेको छ । 

मन्त्रालयले आज सूचना जारी गर्दै केहि दिनदेखि देशभर चिसो बढेको  र जाडो याममा शरीर वा कोठालाई न्यानो बनाईराख्न आगो ताप्ने, हिटर बाल्ने, गिजरको प्रयोग गर्ने लगायतका कार्य गर्दा अप्रिय घटना हुने भएकोले  सावधानी अपनाउन अपिल गरेको हो । 

मन्त्रालयले कोठा न्यायो बनाउनका लागि हावा ओहरदोहर हुने ठाउँ वा कोठामा मात्र आगो ताप्ने, हिटर बाल्ने वा गिजर प्रयोग गर्न आग्रह गरेको छ । 
यस्तै कोइला जन्य स्रोतबाट सकेसम्म आगो नताप्न, आगो ताप्दा वा हिटर बल्दा कागज, कपडा जस्ता छिटो जल्ने खालका सामग्री नजिकै नराख्न समेत अनुरोध गरेको छ । 

यसैगरी मन्त्रालयले आगो तापिसकेपछि त्यसलाई पूर्ण रूपमा निभाउन, हिटरको प्रयोग गर्दा समय–समयमा चलिरहेको हिटरलाई बन्द गर्नु हुन, सुनुअघि अनिवार्य रूपमा हिटर निभाउन समेत अनुरोध गरेको छ । 

मन्त्रालयले  गिजरको मुख्य मेसिनलाई बाथरुम बाहिर खुला ठाउँमा जडान गर्न र  गिजर खोलेर लामो समयसम्म बाथरूममा बस्ने समेत आग्रह गरेको छ । 
 नेपालगञ्जको भेरी अस्पतालको क्याटरमा कोठा न्यानो बनाउनका लागि  कोइला बालेर सुत्दा एकै परिवारका चार जनाको निसास्सिएर निधन भएको थियो ।