काठमाडौँ, २६ वैशाख सुशिला भुसालद्धारा लिखित दुई उपन्यास ‘कठघरा’ र ‘येलो सुइट’ सार्वजनिक गरिएको छ ।

नेकपा (एमाले)का उपमहासचिव प्रदीपकुमार ज्ञवालीले ती दुई उपन्यासको  तरेली साहित्यिक प्रतिष्ठानले आयोजना गरेको कार्यक्रममा लोकापर्ण गरेका हुन् ।

उनले कठघरा उपन्यास १० बर्षे सशस्त्र जनयुद्धलाई केन्द्रीत भएर लेखिएका भन्दै त्यतिवेला मानिसहरुको रोजाई हिंसा थियो कि थिएन भनेर उल्लेख गरिएको छ ।

उनले माओवादी सशस्त्र द्धन्द र त्यसको अवतरणपछि नेपालीमा समाजमा पारेको कुरालाई उपन्यासमा उल्लेख गरिएको बताए । उनले एलो सुइटमा सम्पत्तिले सन्तुष्टि प्राप्त गर्न सकिदैन भन्ने कुरा समेटिएको छ ।

यस्तै उनले भुसालले दुवै उपन्यासलाई सवैले बुझ्ने गरि नेपाली समाजको यर्थातलाई पस्कनु भएको बताए ।

पुस्तकमाथि बासुदेव अधिकारीले दुवै उपन्यासले समाजको यर्थाथलाई चित्रण गरेको बताए ।

उनले कठघरा उपन्यासमा नेपाली समाजलाई नचाहदा नचाहदै सशस्त्र युद्धमा कसरी सामेल भए र हतियारलाई हेनेृ दृष्टिकोण कस्तो थियो भनेर लेखक भुसालले सरल भाषामा लेख्नु भएको बताए ।

उनले नेपालको वामपन्थी आन्दोलनभित्रको एउटा घार र प्रवृतिका अनेकन् दृश्यलाई उपन्सायमा समेटिएको बताए ।

उनले कठघरा उपन्यासले वामपन्थी आन्दोलनसंग सरोकार राख्ने पछिल्ला घटनाबारे पाठकलाई जानकारी समेत गराइएको छ ।

एलो सुइटमाथि टिप्पणी गर्दै डा. विन्दु शर्माले उपन्यासमा महिलालाई नायकत्व गर्न खोजिएको बताईन ।

उनले उपन्यासले सामुहिक नेतृत्व निर्माण गर्न महिलाले खेलेको भूमिकाको चित्रण गरिएको बताए ।

राष्ट्रिय जनसाहित्य सङ्घका अध्यक्ष राम विनयले समाजका न्यून वर्गिय पक्षमा साहित्य हुनुपर्ने बताए ।

लेखिका भुसालले उपन्यासमा १७ बर्षको अनुभवमा आफूले देखे भोगेका कुरालाई उतारिएको बताईन । उनले कठघरा माओवादी सशस्त्र द्धन्द र येलो सुइट होटल व्यवसायमा काम गर्ने एकजना महिला कामदारको कथा रहेको छ ।