लेबनानको नाबातीहमा भएको आक्रमणमा हिजबुल्लाहको एक वरिष्ठ सैन्य कमाण्डरको मृत्यु भएको छ । 

हिजबुल्लाह सैन्य कमाण्डर हसन कमाल हलावीको इजरायली आक्रमणमा ज्यान गएको हो । नागरिक रक्षा टोलीहरूले नाबाटीहको अस्पतालमा पुर्‍याएको शव हलावीको रहेको पहिचान गरिएको हो । 

अन्तर्राष्ट्रिय सञ्चार माध्यमका अनुसार इजरायली ड्रोनले काकैयत अल–जिसर गाउँमा क्षेप्यास्त्र प्रहार गर्दा उनी मारिएका हुन् । इजरायली सेनाले मंगलबार राति नाबाटीहमा ड्रोन आक्रमण गरी हलावीलाई मारेको पुष्टि गरेको छ । 

युद्धको क्रममा हलावी इजरायल विरुद्ध धेरै आतङ्कवादी आक्रमणमा इजरायली सेनाले दोषी मान्दै आएको थियो । गत नोभेम्बरमा हेजबुल्लाह र इजरायल बीच अमेरिका र फ्रान्सेली मध्यस्थतामा युद्धविराम लागू भएको थियो । 

इजरायलले लेबनानी भूभागबाट फिर्ता जानुपर्ने सम्झौताको बाबजुद पनि इजरायली सेनाले फेब्रुअरी १८ को समयसीमा भन्दा बाहिर पाँच प्रमुख स्थानमा आक्रमण जारी राखेको समाचारमा उल्लेख छ ।