काठमाडौँ, ।  प्रहरीको २९औँ प्रहरी महानिरीक्षक (आईजीपी) धीरजप्रताप सिंह नियुक्त भएका छन् । आज बसेको मन्त्रिपरिषद् बैडकले  प्रहरी अतिरिक्त महानिरीक्षक (एआईजी) सिंहलाई आईजीपीमा नियुक्त गर्ने निर्णय गरेको गरेको गृहसचिव टेकनारायण पाण्डेले जानकारी दिए । 

आईजीपी शैलेश थापा क्षेत्रीले प्रहरीको ३० वर्षे सेवा अवधिका कारण १८ वैशाखमा अनिवार्य अवकाश पाउने भएपछि आइतबार सरकारले सिंहलाई आईजीपीमा बढुवा गरेको हो ।

सिंह ११ चैत २०४९ मा प्रहरी निरीक्षकबाट सेवा सुरु गरेका प्रहरी अधिकारी हुन् । आईजीपीको प्रतिस्पर्धामा एआईजीत्रय विश्वराज पोखरेल, सहकुल थापा, रवीन्द्र धानुक पनि थिए । तर, सरकारले सिंहलाई नियुक्त गरेको हो । उनीहरू एकै ब्याची हुन् ।