राप्ती प्रतिष्ठानमा बर्षाैसम्म विग्रीएर थन्कीएका पाँच वटा डायलासीस मेसिन बने

दाङ । राप्ती स्वास्थ्य विज्ञान प्रतिष्ठानमा बर्षाैसम्म विग्रीएर थन्कीएका हेमोडायलासिस सेवा मर्मत गरेर सञ्चालनमा ल्याईएको छ । मेसिन विग्रीएर थन्कीएपछि मिर्गौला रोगका विरामीहरु लामोसमयदेखी पालो कुर्न वाध्य रहदै आएका छन् । राप्ती स्वास्थ्य विज्ञान प्रतिष्ठानका निमित्त कार्यालय प्रमुख, निर्देशक तथा सह–प्राध्यापक डा. सुरेश रसाइलिले पोखराबाट हेमो डायलासीस सम्बन्धि प्राबिधिक बिज्ञको टोली बोलाएर विग्रीएका डायलासिस मेसिनहरु बनाईएको बताए ।
डा. रसाईलिले स्वास्थ्य तथा खाद्य स्वच्छता मन्त्रालय लगायत सरकारी निकाय तथा निजी क्षेत्रले अन्तर्गत डायलासिस मेसिन उपलब्ध गराउन चाहेमा प्रतिष्ठान समन्वय गर्न सधै तयार रहेको बताए ।
मेसिनहरु बनेपछि विरामीहरु थप लाभान्वित भएको बताए । उनका अनुसार प्रतिष्ठानमा लामोसमयदेखी पाँच वटा डायलासीस मेसिन विग्रीएर थन्किएका थिए । डायलासि मेसिन बनेर सञ्चलनमा आएपछि विरामीहरु खुसि भएका छन् । मेसिन बनेपछि इमरजेन्सिमा डायलासिस गराउदै आएका २२ जनावाट घटेर ३ जनामा आएको निमित्त कार्यालय प्रमुख डा.रसाइलिले बताए । मेसिन बनेपछि दैनिक थप ११ जना मिर्गौलाका विरामीहरुले डायलासीस सेवा प्राप्त गरेका छन् । तिन सिफ्टमा चल्ने प्रतिष्ठानको डायलासीस सेवा दैनिक ३३ जना विरामीले प्राप्त गर्दै आएका छन् ।
विहान ७ बजेदेखी वेलुका १० बजेसम्म चल्ने डायलासीस सेवावाट हालसम्म ९१ जना मिर्गौलाका विरामीहरु लाभान्वित भइरहेका छन् । डायलासीस सेवालाई प्रभावकारी बनाउन नर्शिङ इञ्चार्जसहीत १८ जना नर्सिङ स्टाफलाई तालिमसमेत दिईएको छ । हाल प्रतिष्ठानमा १५ वटा हेमोडायलासीस सेवा सञ्चालनमा रहेका छन् । डा. रसाइलिले मेसिन थपिएपछि अरु थप वेटिङमा रहेका ५४ जना मिर्गौलाका विरामीलाई सेवा दिन सकीने जानकारी दिए । प्रतिष्ठानका वायोमेडिकल ई.शिरीष बुढाथोकीको नेतृत्वमा वायो मेडिकल टेक्नीसियनहरु आशिष गौतम, अंकित अधिकारीसहीतको टोलिको लामो मेहनतपछि प्रतिष्ठानमा विग्रीएका मेसिनहरु सञ्चालनमा आएका छन् । प्रतिष्ठानका विशेषज्ञ चिकित्सकको नेतृत्वमा नर्शिङ इञ्चार्जसहीत आइसियु र डायलासीस सेवामा १८ जनाको टोलि खटिएर निरन्तर सेवा दिदै आएको छ । साथै प्रतिष्ठानले मुुलुकमै पहिलोपटक आइसियुमा रहेका मिगौलाका विरामीहरुलाई लक्षित गरेर आइसियुमा डायलासीस सेवा पनि दिदै आइरहेको छ ।