काठमाडौं, १७ साउन ।
नेपाल आयल निगम लिमिटेडले आइतबार रातीबाट लागू हुने गरी पेट्रोल ३ र डिजेल तथा मट्टितेल समान ५ रुपैयाँ प्रतिलिटर बढाएको छ ।
मुल्यवृद्धि पछि काठमाडौंमा पेट्रोल, डिजेल र मट्टितेलको मूल्य समान २ सय रुपैयाँ प्रतिलिटर पुगेको छ ।
त्यस्तै, आन्तरिक हवाइ इन्धन २० रुपैयाँ प्रतिलिटर र बाह्य हवाइ इन्धन १ सय ३१ डलर प्रतिकिलोलिटर वृद्धि भएको निगमले जनाएको छ । खाना पकाउने एलपी ग्यासको मूल्य भने यथावत राखिएको छ । शनिबार दिउँसो इण्डियन आयल कर्पोरेसनले मूल्य बढाएर पठाएका कारण नेपालमा पनि मुल्य समायोजन गरेको निगमले जनाएको छ ।
।
मूल्य वृद्धिपछि हवाइ इन्धन आन्तरिक २ सय ४९ रुपैयाँ प्रतिलिटर र बाह्य हवाइ इन्धन प्रतिकिलोलिटर १५ सय ६६ डलर पुगेको छ ।
